नागरिक लगानी कोषको लाभांश घोषणा, नगद र बोनस कति ?
काठमाडौं । नागरिक लगानी कोषले आर्थिक वर्ष २०८१/८२ को लाभांश घोषणा गरेको छ ।
कम्पनीको पुष ६ गते बसेको सञ्चालक समितिको बैठकले उक्त आवको मुनाफाबाट सेयरधनीहरुलाई वितरण गर्ने लाभांश प्रस्ताव गरेको हो ।
कम्पनीले आम्दानी बाँडफाँट हिसाब विवरणबाट कोषका सेयरधनीहरूलाई ५ प्रतिशत बोनस सेयर र ८ प्रतिशत नगद लाभांश (कर समेत) गरी कुल १३ प्रतिशत लाभांश घोषणा गरेको हो।
उक्त लाभांश नेपाल सरकार, अर्थ मन्त्रालयबाट स्वीकृत भई कोषको आगामी वार्षिक साधारणसभाले पारित गरेपछि सेयरधनीहरुमा वितरण हुनेछ।
