पर्यटन बोर्डले छान्यो महिनाका ३ उत्कृष्ट तस्वीर, जनही २५ हजार पुरस्कार
काठमाडौं । नेपाल पर्यटन बोर्डले महिनाका ३ उत्कृष्ट तस्वीर छनोट गरी पुरस्कृत गरेको छ ।
बोर्डको मासिक अनलाइन फोटोग्राफी प्रतियोगिता फोटो नेपालका विजेता घोषणा गर्दै पुरस्कृत गरेको हो ।
जुन २०२५ भरी आएका फोटोले नेपालका प्राकृतिक दृष्य, सांस्कृतिक सम्पदा र जनजीवनलाई रचनात्मक ढंगले प्रस्तुत गरेको बोर्डले जनाएको छ ।
यस संस्करणमा प्राप्त कुल २ सय ४१ तस्वीरमध्ये उत्कृष्ट ३ छानिएको हो । जसमा बबी शाहको लाखे, सुशील श्रेष्ठको साँझदेखि बिहानसम्म र प्रियाशुं कर्णले खिचेको जनकपुरधाम पुरस्कृत भएका छन् ।
विजेतालाई जनही २५/२५ हजार नगद पुरस्कार दिइने भएको छ ।
